Velkomen til Optikar Bjelland
Kjære kunde!
Optikar Bjelland A/S opna i Norheimsund 6. februar 1995.
Om Synsprøven.
Me har frå starten kunna tilby vanlege synsprøvar og kontaktlinsetilpasningar. I 2006 fekk me godkjenning for bruk av diagnostiske medikament. Dermed kan me lettare oppdage augesjukdomar og andre sjukdomar som påverkar auga og i tillegg ta endå meir eksakte synsprøvar.
Frå januar 2009 har me samarbeid med augelækjar, professor Johan Seland, som tek imot pasientar hjå oss ca ein gong i månaden.
I mai 2009 fekk me også installert OptoMap - eit instrument som ved hjelp av laserteknologi gjer det mogleg å ta bilete av mest heile netthinna inne i auget. Dette er heilt ny teknologi som gjev oss nye moglegheiter til å finna endringar på netthinna. Dermed kan ein raskare koma til behandling om det skulle trengast.
Om mote
Dei fleste brillekonsulentane våre har gjennomgått relevante kurs innan stil, form, farge og brillemote. Blant anna hos Astrid Tomas. I tillegg har dei lang erfaring i å rettleia ved val av innfatning slik at han både kler deg godt og fungerer godt teknisk.
Vår eigen nettbutikk
I mai 2004 starta me eigen nettbutikk for sal av kontaktlinser. Den kan ha andre prisar og endå fleire produkt enn den nye felles- nettbutikken som ligg på framsida her. Du kan gå inn og sjå på
http://c-linser.no